كلمات بلا داعى

نسيت

أو تناسيت

أن أقول لكم

أو أن أخبركم

أننى فى تلك الفترة

بامتحن امتحانات الماستر

و عشان اخلى البساط أحمدى

فأنا بقى هاقولكم سر رهيب

انى عندى امتحان فلويد بكرة

بالإنجليزى

FLUID

المهم ايه بقى

عيل و رجعت للإمتحانات

الحمد لله تسعة و عشرين سنة و لسه بامتحن

أجمل حاجة فى الإمتحانات

الرجوع للكلية

و طبعا الفرجة على الكابلس فى شارع الزيزفون اللى عندنا فى هندسة المطرية

أجمل حاجة كمان

انى بكتشف مدى الضلما اللى عايش فيها فى الشغل

أصل إمتحاناتنا من واحدة لأربعة

المهم ايه

بلاقى شمس جميلة جدا

و شجر

و هوا

و شباب بيهرج

و بنانيت مكسوفة

بيركبنى عفريت الهزار

افضل امسك فى زمايلى اللى معايا

اهرج معاهم و احدف نفسى عليهم

تعالوا بقى معايا الشغل

و نشوف الفرق

“كده الشغل هيشوف اللى انا كاتبه هيمسكونى يقطعونى”

المهم يعنى

أخبط خبطتى المعتادة

يفتحلى جابر أو عوض

جابر سايب دقنه

و ناكش شعره

و يقولى ازيك يا بشمهندس

أدخل من الباب

لمكتبنا العامر الخمسمية متر مربع

ياربى عايز مترين فى اوبن اير

انا مش عايز الكتمة دى

المهم أدخل

الاقى الناس وشوشها فى اللابتوب

تجيلى دايما فكرة العالم فى خمستاشر بوصة

و أقعد أبص عليهم مش مصدق ان ممكن احنا و احنا قاعدين فى المكتب كده

شرذمه من المطورين

نقدر نعمل حاجة مفيدة

استحضر كلام هانى و عابد عن باترونات البرمجة

والاقيها مش نافعة خالص فى انها تأكل عيش

و حبيبى أحمد الملط

و نظرياته اللا نهائية فى ضرورة وضع منظومة لنظام البرمجة فى إطار ضيق لا نسمح فيه ان اى نقطة من مجهود أى حد تروح هدر

يا نهار اسوح

المهم ايه بقى

المكتب بافضل قاعد فيه من اتناشر لغاية تسعة بالليل

لا شمس

و لا هوا

مع اننا على النيل

اسما بس

العربيات تحت فى الشارع أجارك الله

فطبعا لازم نقفل الشباك

و طبعا لكم أن تتصوروا ان أكبر مشاكلنا فى المكتب

مين هندبسه عشان يطلبلنا الأكل دليفرى

و يستتبعه قائمة بأحسن المطاعم

و يمكن تاخدنا الجلالة و نتكلم عن صولاتنا و جولاتنا فى دنيا المطاعم الراقية الغير متوفرة فى مصر أصلا

و طبعا صاحبكم اللى هوا أنا

و اللى متبنى نظرية البلدى يوكل

لازم اكلمهم عن عربيات الكبدة و جمالها

و طبعا هما يتريأوا عليا

و يقولوا لحم كلاب

قال يعنى بقية المطاعم لحم نعام

بلا وكسة 🙂

المهم ندبس زميلة مسكينة لينا مش هقول اسمها

تروح تتصل و تدفع

و تلم الفلوس

انا لو منها آخد عمولة

انا طبعا باوفر و بجيب جبنة بيضا

و أقضيها

بس بيضغطوا عليا فى كثير من  الأحيان

و باضطر انى أمارس الأكل معاهم من المطاعم دى 🙂

وا إن ذا إند اوف ذا داى

in the end of the day

مافيش

الساعة تسعة

المشروع ما خلصشى

مهدودين من كتر الرغى

ننزل نروح

آجى المكتب فى الضلما

و أروح من المكتب فى الضلما

سحقا يعنى

بس الصراحة ليهم شوية أفكار حلوة

و كلها أفكار تقدر تعملها تصنيف تحت مصنف

“أفكار الغرفة المغلقة”

اصل انا عندى تصنيفين للأفكار

أفكار مغلقة

و أفكار منفتحة

In Box

Out Box

اللى جوه الصندوق دى عبارة عن الأفكار الى لا يتم عملها إلا فى ظروف صعبة

و اللى برة الصندوق دى الأفكار اللى ما تتعملشى

حاجة نكد

أرجع للكلية بقى

الكلية جامدة جدا

و أصلا انا كنت مقضيها بالطول و العرض

كنت باغنى فى كورال الجامعة

و رحت معاهم اسبوع الشباب مرتين

و مسرح سيد درويش

و كنت مقضيها أم كلثوم

و كنت فى الكلية

لما تيجى المحاضرة

أطلع انا وصاحبى من المدرج

و الناس تحذرنا و تقولنا الدكتورة هتاخد غياب

و احنا نحلقلهم برضه

للى عارفين هندسة المطرية

عارفين طبعا مبنى عمارة

و قسم عمارة لمن لا يعرف

هو قسم المزز

اصل البنانيت عندنا كانوا دايما يروحوا عمارة

و الرجاجيل اللى زيى كان أغلبهم ميكاكنيكية و مقشفين

بس كان فيه شوية مننا راقى كده و حليوه و عاقل

لابد علطول فى المبنى هناك

ما علينا

ربنا يسهلهم

—————-

ياااااااااااه

ايه الذكريات العيالى دى

كفاية كده عشان أذاكر

المرة الجاية هحكيلكم عن الفرق بينى دلوقتى و بينى زمان

يمكن الله أعلم

سلاموووووز

”

قتل أصحاب الأخدود

النار ذات الوقود

إذ هم عليها قعود

و هم على ما يفعلون بالمؤمنين شهود

و ما نقموا منهم إلا أن يؤمنوا بالله العزيز الحميد

الذى له ملك السماوات و  الأرض و الله على كل شهيد

إن الذين فتنوا المؤمنين و المؤمنات ثم لم يتوبوا فلهم عذاب جهنم و لهم عذاب الحريق

”

صدق الله العظيم

.
.
أنا مستيقظ

فهل أنتم مستيقظون

متى أملك العلم و رباطه

فأدككم به دكا

.
. 

“كذبت قبلهم قوم نوح فكذبوا عبدنا و قالوا مجنون و ازدجر”

“كذبت عاد فكيف كان عذابى و نذر”

“كذبت ثمود بالنذر”

“كذبت قوم لوط بالنذر”

“فذوقوا عذابى و نذر”

“ولقد جاء آل فرعون النذر، كذبوا بآياتنا كلها فأخذناهم أخذ عزيز مقتدر”

“أكفاركم خير من اولئكم أم لكم براءة فى الزبر

أم يقولون نحن جميع منتصر !!!

سيهزم الجمع و يولون الدبر

بل الساعة موعدهم و الساعة أدهى و أمر 

”

متفرقات من سورة القمر

و صدق الله العزيز

 

طوبى للثكالى

طوبى للضعفاء

طوبى لمن كفاه الله أمره

 

�

أنا منهك إلى درجة كبيرة

و لا أجد من أشكوا إليه

إلا الفراغ

و لأننا لا نملك إللا الصور الذهنية

فإننى أتخيل الفراغ دائما كسحابة سوداء

أمد يدى إليها كأنى أصافحها

فتختفى يدى قليلا

و كأنها تصافحنى

ثم أسحب يدى

و أضعها جانبنى

يسألنى الفراغ

“ماذا بك؟”

أجيبه

“أنا متعب”

فيسألنى

“مم أنت متعب؟”

فأقول له

“كل شئ”

فيسألنى

“ما بك حقيقة؟”

قلت لك متعب

و لا ادرى ماذا أفعل

متعب

ألا تفهم

.

أنا فراغ فكيف أفهم

.

أنت فراغى أنا

إن كنت لا تفهم

فكيف أخذت يائى إليك

و نسبتها لكلمتك

أنت فراغى

فلم لا تعى ما أقول

.

لأنى فارغ أيها الشاب

أنا فراغك

و أنت من تملؤنى

قل لى ماذا تريد أن تملأنى لعلنى أساعدك

.

أقول لك أنا متعب

و أنت تثير أعصابى مجددا

فأنا لا أملك أى شئ أملأه بك

أنا فى الأصل فارغ

و أنت فراغى

فافهم ما أقوله لك

.

حسنا أيها الشاب

أنا فراغك

و أنت تتحدث إلى

و لأنى فراغك

فلقد ظننت خطئا أنك على وشك أن تملأنى شيئا مما عندك

و لإنى من عندك

و لأنى فراغ من البداية

فبالتالى

أنت لن تقدر على أن تملأنى بأى شئ

.

هذا صحيح

لن أستطيع 🙁

و لكن انتظر

ربما كان هناك حل ما

.

ما هو؟

.

ربما استطعت أن أملأك بما لا أمتلكه

أى بفراغ آخر

.

هذه فكرة جميلة

و أنت تملك الكثير منه

صدقنى فأنا فراغك

🙂

.

حسنا

تعال لأقص عليك فراغى

.

تكلم و لا تتلكأ

.

أنا منهك إلى درجة كبيرة

و لا أجد من أشكوا إليه

إلا الفراغ

.

.

.

.

.