اليوم فى السابعة صباحا
منذ ثلاثين عاما كاملة
و بالتوقيت الميلادى
أتيت إليكم طفلا هادئا باكيا
إلى دنياكم العامرة
و اليوم أتممت ثلاث عقود معكم
فعرفتكم
و عرفتمونى
و حادثتكم
و حادثتمونى
و أحببتكم
و أحببتمونى
و استأتكم
و سامحتونى
و كرهتمونى
و انتقدتمونى
و شددتم من أزرى
و دفعتمونى
و هنأتمونى
و نصحتمونى
ثم أنبتمونى
فعاقبتمونى
و أتيتمونى
و آنستمونى
و تركتونى
و أوحشتمونى
نعم
قبل الوعى حملتمونى
و بعد الوعى خاطبتمونى
ثلاثون عاما من حياة
لحظات عابرة من الوعى
شزرات من حب
و كثير من الملل و الإنتظار
——-
إلى ألقى تهنئة
لا صوت لها و لا تجربة
إلى تلك السنون الماضية
و إلى تلك السنين الآتية
ألقى لها تهنئة
——————
كفاية تهييس 🙂
النهاردة بقيت تلاتين سنة
يعنى راجل كبير
على ما أظن
مافيش جديد على رأى أختنا اللى كانت عايزة تتجوز
بس هيا احتفظت بأسنانها سليمة كلها
و انا حاليا تلاتة مش موجودين
و سبعة فى السكة رايحين
عموما مش عايزين نقر 🙂
سبحان الله
مافيش حاجة ممكن نقول انها جديدة او قديمة
انا دلوقتى باسمع أول أغنية سمعتها لأم كلثوم
و مش هقولكم عليها عشان انا عارف انكم مش بتسمعوها
تتصوروا 15 سنة باحاول اقنعكم ان أم كلثوم حلوة و كويسة و انتوا مش عايزين
أكيد زهقتوا منى 🙂
مش مشكلة
ما انتم برضه زهقتونى بالحاجات بتاعتكم
متهيألى ده عدل برضه:D
———-
على أى حال
أقول لكم جميعا
كل سنة و انتم طيبين
أنا بقيت تلاتين 🙂